Крывакрыж

Крыўю ўслаўляйма! Крыўю ўслаўляюць
Бог і дундар, што пяюць у раі.
Лёсам даўгім нам шчодрыцца Лайма,
Долю багатую Змей нам скраіў.

Крыўя зіхоча! Крыўя захоча
Ў годнасці царскай ўзысці на пасад.
Сілай прарочай гмах чужы сточым,
Точацца рэкі без тропу назад.

Крыўю вяртайма! Крыўя вяртае
Ўладу старую сцягу за сцягой.
Веры старое новыя дайны
Чуюцца за ўсё танчэйшай сцяной.

Крыўі дарогу! Крыўі парогі
Сонца пяройдзе туманным раннём.
Мы абудзілі верай здароўе,
Мы абудзілі вырай агнём.